韓流天王Rain跟女星金泰希今年1月結婚，5月時二人宣佈好消息，表示金泰希懷孕15周。現時懷孕約7個月嘅金泰希日前就頂住大肚，跟老公及老爺飛咗去意大利進行「胎教旅行」。據知有網民於意大利偶遇Rain夫婦，指金泰希個肚已經好明顯，Rain就一直細心照顧老婆。

另外，金泰希早前有為代言品牌拍攝廣告，於近日公開嘅花絮片及照片中，見到37歲嘅泰希有明顯嘅魚尾紋同少少眼袋，不過皮膚依然白滑，而當時已經大肚嘅佢，拍攝時就換上不同嘅鬆身衫遮肚。