今周英超又有好波啦，阿仙奴同利物浦周一凌晨相遇，對於兩隊球迷嚟講，聖誕節前夕先嚟一場硬碰，點都唔輸得。計算歐聯在內，槍手連贏兩場，但想「反雲黨」冇聲出，唔使諗啦，贏波最實際；好在基奧特重拾射門鞋，又有山神、韋大帝幫手，辛迪卡索拉又弗爆，真係槍槍攞命。
至於利記上周「雙紅會」輸畀曼聯，好在周中英聯盃贏般尼茅夫，殺入4強向冠軍進發，叫做士氣回升番啲啦，過埋今場就到聖誕同新年快車期，如果今個禮拜殺退兵工廠，話唔定年尾一鼓作氣，衝番上嚟！