【國泰洽購快運】買HK Express機票驚一餐 顧客擔心國泰坐地起價
國泰港航HK Express海航快運
旺季遊日,平機票難求,雖然有多家航空公司經營日本航線,但平機票往往由港航、快運(HK Express)提供,票價可能越近出發前越貴,於是不少醒目港人一早買定。去年11月至今港航、HK Express連環不利傳聞,令不少已幫襯的顧客擔心執笠機票血本無歸事少、打擾行程掃興事大。兩位已買HK Express旺季日本機票的讀者,聽聞國泰有意買HK Express均暫時紓一口氣,但仍擔心國泰一旦成功收購HK Express,「好似國泰玩晒咁」,令日後機票坐地起價。
讀者趙小姐表示,去年11月、於港航高層連環跳船前,已買了今年暑假全家4張往返香港福岡機票,花費略多於1萬元。之後聽到港航不利傳聞亦感擔心,隨即於受保航空公司倒閉的保險公司買保險,「酒店又book晒,機票買好,所有嘢一早plan好晒,如果佢轉頭倒閉,可能又要轉過啲嘢,又驚遲啲買啲嘢又會貴,甚至要改行程,要轉國泰就貴好多。」
至於今早國泰公佈洽購HK Express,趙小姐雖然心定啲,覺得HK Express有買家洽購不會容易執笠,不過「我覺得好兩睇,唔係好事,國泰唔係做開廉航,買埋廉航好似佢玩晒咁,會唔會壟斷咗個市場。」擔心機票會否繼續平、國泰會否轉價錢策略。
計劃5月與家人前往大阪的陳小姐,去年11月幫襯HK Express、一口氣買11張往返香港大阪機票,每位價錢約1,800元。陳小姐表示,「如果傳咗(不利傳聞)就唔會買佢啦。」不利傳聞見光後,隨即買保險自保,如果執笠,才再買別家機票,博佢唔執。至於國泰洽購HK Express的消息,陳小姐同樣擔心收購後會加價,因為廉航本身服務較少,幫襯純粹睇價錢。
3月7日《動腦Q馬拉松》
一日玩11場 全日派22萬
12:30pm-10:30pm
Let's QQQQQQQQQQQ the money!
http://bit.ly/2ICO2Mb