韓國男團「ZE:A帝國之子」自爆成員愛裸體,要制定「要穿内衣」嘅宿舍規則。
噚日成員光熙、炯植、桐俊同旼佑上節目大談成員嘅生活習慣,當被問到有咩宿舍規則時,光熙答:「唔問對方喺出面見咩人,房間發出聲音時唔過問。」桐俊就爆料炯植沖完涼之後成日唔著衫喺宿舍內四圍行,所以為咗佢特別增加「在宿舍要穿内衣」嘅規則。
而出名會愛妒忌成員嘅光熙亦自爆佢最近嫉妒炯植,所以唔會食炯植代言嘅炸雞同杯麵,而且至今都未睇過成員林時完主演嘅電影《辯護人》,被人稱佢為「嫉妒之神」。
另外,「ZE:A帝國之子」將於於6月2日推出新迷你專輯《FirstHomme》,新日官網都陸續公開預告照片。