韓國型男宋承憲日前先嚟完香港工作，估唔到今日喺台灣方面，就驚爆佢有新緋聞﹗

今年7月宋承憲長期留喺內地同內地女星劉亦菲拍攝內地電影《第三種愛情》，有台灣傳媒爆料，話宋承憲同劉亦菲因為係片中有多場咀嘴戲，二人對足幾個月，對足真感情。

有指上周電影喺上海拍攝煞科戲時，就發現劉亦菲喺現場雙眼完全離開唔到宋承憲，好似超迷宋承憲咁，仲話之前劉亦菲同另一韓國型男Rain，拍另一部電影《露水紅顏》，但佢就唔見對Rain好投入，加上宋承憲成日都係微博高調晒自己同劉亦菲嘅合照，所以搞到緋聞更加似層層。

不過有啲網民就覺得其實緋聞都只係電影嘅宣傳技倆，而電影將於明年上映。