【睇通睇透】新人王羅富全vs大賽王告東尼(魯賓遜)
告東尼魯賓遜香港金盃羅富全睇通睇透新人王馬克羅斯歡樂之光大賽王
告東尼旗下馬克羅斯與羅富全馬房歡樂之光(左),屬真兄弟馬,將於周日沙田第七場香港金盃再度交鋒。
延續去年12月國際賽傳奇,今個禮拜日(17日)第七場上演一級賽田草2000米香港金盃,應屆香港盃盟主「歡樂之光」,以及香港瓶冠軍「時時精綵」,再次同場較量。
這亦是大賽新人王羅富全,跟近兩季的盃王告東尼再度正面交鋒,今次鹿死誰手,確實令人引頸以待。
告東尼近兩季捧盃無數,尤其是長途一級賽,上季先憑「馬克羅斯」贏完香港盃,再贏香港金盃,連奪兩項2000米大賽,之後輪到「巴基之星」發威,連勝2000米女皇盃及2400米遮打盃。
上季四歲贏兩場三級賽的「時時精綵」,今季成就更進一步,前仗跑2400米香港瓶,成功擊敗日本代表馬「雍容白荷」和愛爾蘭代表馬「伊士華」,初嚐國際一級賽勝利的滋味。
至於首度派馬出戰香港金盃的羅富全,今季大賽亦戰績彪炳,早前憑「紅衣醒神」及「歡樂之光」勝出國際賽孖寶,季內大賽成績仲勁過他的前波士蔡約翰。
「歡樂之光」前仗跑2000米香港盃,初次角逐一級賽,不單只跑贏一批香港長途精英,竟然能夠擊敗一對日本代表馬「迪雅卓」及「白日彗星」,贏馬絕對唔係符碌。
今場香港金盃,除咗係「時時精綵」和「歡樂之光」的比拼之外,亦是大賽之王告東尼,跟大賽新人王羅富全的再次較量;前者今場三路興兵,後者亦雙龍出海,屆時戰況肯定好精彩。
今晚(15日)晚上10點,我會同大家喺Facebook開Live,即場傾吓呢場香港金盃,記得校定鬧鐘啦,約定你!
魯賓遜Facebook: https://www.facebook.com/ROBINSONEXP
-----------------------------------------
10萬蚊 100人分!
星期一至五晚上10點半
《動腦Q》Let's Q the money!
http://bit.ly/2QW8LcI