日本長腿女星菜菜緒擔演4月播出嘅新劇《惡魔小姐》，今次佢飾演惡魔人事顧問，利用大膽手法去解決職場上嘅各種疑難。話晒第一次擔正黃金時段劇集，菜菜緒十分識做，仲請劇組人員食豬扒三文治同埋零食等望慰勞大家。

不過，趕拍新劇嘅菜菜緒就禍不單行，佢噚晚寫Twitter表示鼻哥入面痛到令佢冇覺好瞓，表示一個星期前個鼻開始感到痛楚，到耳鼻科求診亦照過鏡證實內裏並冇異物，已食抗生素及止痛藥，但就令佢十分擔憂。消息公開後，亦有傳媒轉述作出報道，廣大網民又係好mean咁將菜菜緒嘅整容說法混為一談，有人直指佢整容過度，亦有網民話入面有硬物自然會痛，又問佢係咪到韓國做過手腳，乘機借佢嘅整容傳聞嘲諷一番。

精選娛聞，喺晒《娛果》
http://fb.com/appledailyent