「動主播出更」已經進行得如火如荼，今次到四號嘅參賽者余欣盈(June) 出更喇，好動活躍最鐘意玩嘅佢，就同隊長吉吉以兇案形式拆解怪醫黑杰克嘅飛刀絕技之謎。
開頭June因為第一次做主播，所以有少少唔習慣對鏡頭，不過吉吉不斷同佢講笑，令佢得以放鬆，後段June變得愈嚟愈投入，仲愈玩愈癲，仲親身示範金雞獨立，教讀者點樣練成飛刀絕技，見佢飛刀嘅手勢都做得似模似樣。
June扮專家咁分析飛刀嘅秘訣，話：「要先搵出刀嘅重心之後，動作同力度就要將把刀好似棒球咁丟出去，如果手術刀時速達至50公里嘅話，骨都有機會插得穿呀。」