【拳拳到肉】散打冠軍鄭子平挑戰南拳王 孫振峰眼角受傷當碎料
蘋果日報 2020/06/01 17:50
王敏奕孫振峰鄭子平
黃柏高（Paco）監製、孫振峰、鄭子平、王敏奕、盧惠光、李燦琛等主演的電影《地下拳》大後日上映，電影以真打拳拳到肉為賣點，所以演員無一倖免，個個傷痕累累，唯一女將王敏奕說：「其實對比小孫、子平，我付出嘅唔算多，睇見佢哋打到周身瘀傷都好心痛，希望觀眾可以喺鏡頭前睇到佢哋嘅努力。」
兩位男主角孫振峰、鄭子平亦是自幼習武，鄭子平15歲時到河南嵩山少林寺拜師，1988年參加武術散打達標賽（65公斤級）得第一名，獲山東體育委員會冠上「國家一級武士」稱號，鄭子平說：「拍戲有時要重複打，配合鏡頭有時難免受傷，我同小孫一齊住，每日返到屋企都要互相幫對方塗藥油。」
孫振峰8歲開始習武，精通南拳、南刀、南棍、八極拳等傳統拳武術套路及各種武術兵器，在多個武術比賽中獲獎無數，所以面對電影中各種動作場面亦無所懼，他說：「其中有場戲，因為閃避唔切，眼角被對手踢傷，不過都係皮外傷。」盧惠光、李燦琛異口同聲表示相當欣賞兩位新人全心投入演出，工作的認真態度。
-----------------------------
盧惠光讚後輩孫振峰工作態度認真
鄭子平（右）和孫振峰上演一幕絕無花假的拳賽戲。
鄭子平曾到河南嵩山少林寺拜師學藝，真人亦好打得。