隔牆有耳：大人有錢就身痕 - 李八方
蘋果日報 2008/11/14 00:00
大衰退殺到嚟，財爺鬍鬚曾同金管局任總去美國開國際高峯會，怕且都不能起死回生。起行前佢接受幾個小學生訪問，吐露做財爺嘅感受同個人小秘密，有個細路問鬍鬚曾，做人應唔應該努力賺錢發達，財爺叫小朋友唔好諗呢啲嘢。
富豪近日出口成文句句金，講到啲人有咗錢就身痕呢一點，好多人都話好中point，覺得呢句話將人性剖析得好透徹。八方思疑鬍鬚曾都有同感，覺得世上好多是非歸根究柢都係錢作怪，否則唔會同細路講出同一番道理。
富豪近日出口成文句句金，講到啲人有咗錢就身痕呢一點，好多人都話好中point，覺得呢句話將人性剖析得好透徹。八方思疑鬍鬚曾都有同感，覺得世上好多是非歸根究柢都係錢作怪，否則唔會同細路講出同一番道理。
財爺話唔好諗發達
政府青年網噚日上載《曾俊華司長這樣回答麥兜》訪問，香港小朋友早熟，訪問時直接問鬍鬚曾，做人係咪應該努力賺錢發達，鬍鬚曾話，小朋友唔好一味諗住賺錢，唔好成日想發達，佢話錢對一個社會係緊要，不過對人唔係最重要嘅事，做人最重要係開心，能夠做自己喜歡做嘅事，同有冇錢唔一定有關。
鬍鬚曾冇講錯，有錢都唔一定開心，如果學似富豪話齋，有咗錢就身痕仲麻煩，呢一層八方相信鬍鬚曾都有好深體會，若然庫房唔係咁有錢，財爺舊年亦唔會以平均價154蚊入市增持港交所，搞到𠵱家坐晒艇，呢單嘢唔止身痕，頭亦十分痕。訪問中鬍鬚曾話最怕坐長途機，因為好煩悶，所以最想發明類似「隨意門」嘅機器，有個小朋友建議佢改坐郵輪，鬍鬚曾聽到可能聯想起坐艇，嚇到眼都凸埋，「坐船去紐約，可能要成個星期！」
有小朋友問鬍鬚曾細個志願，佢梗係唔會答想做特首啦，佢話想做木匠，因為童年目睹九龍仔大火，想做木匠幫人起番間新屋，後來佢去美國讀建築，原因在此。至於唇上二撇雞，原來都有古講，佢話大學時開始留鬚，因為有玩劍擊，而當時好多劍擊高手都係留鬚嘅，所以佢有樣學樣都留埋一份，希望劍術叻啲，結果留到𠵱家成為個人標誌。
鬍鬚曾冇講錯，有錢都唔一定開心，如果學似富豪話齋，有咗錢就身痕仲麻煩，呢一層八方相信鬍鬚曾都有好深體會，若然庫房唔係咁有錢，財爺舊年亦唔會以平均價154蚊入市增持港交所，搞到𠵱家坐晒艇，呢單嘢唔止身痕，頭亦十分痕。訪問中鬍鬚曾話最怕坐長途機，因為好煩悶，所以最想發明類似「隨意門」嘅機器，有個小朋友建議佢改坐郵輪，鬍鬚曾聽到可能聯想起坐艇，嚇到眼都凸埋，「坐船去紐約，可能要成個星期！」
有小朋友問鬍鬚曾細個志願，佢梗係唔會答想做特首啦，佢話想做木匠，因為童年目睹九龍仔大火，想做木匠幫人起番間新屋，後來佢去美國讀建築，原因在此。至於唇上二撇雞，原來都有古講，佢話大學時開始留鬚，因為有玩劍擊，而當時好多劍擊高手都係留鬚嘅，所以佢有樣學樣都留埋一份，希望劍術叻啲，結果留到𠵱家成為個人標誌。
財爺（左一）同小朋友有講有笑，仲叫佢哋唔好成日諗住點搵錢，應該做多啲喜歡嘅事。
政府青年網圖片
政府青年網圖片
推介兩套勵志電影
鬍鬚曾係戲迷，向細路推薦兩套電影《壯志奔騰》（Seabiscuit）同《馭鯨少女》（WhaleRider），前者講懷才不遇少年遇上伯樂，後者講述毛利族少女有才能，卻因重男輕女傳統，阿爺唔畀佢繼承酋長，後來竟然有一大群鯨魚擱淺海灘示威，要求畀少女做酋長，非常神奇。鬍鬚曾介紹呢兩套戲，唔知係咪想寄語阿爺同煲呔呢？
mailto:[email protected]
mailto:[email protected]
鬍鬚曾同小朋友合作畫出嚟嘅自畫像。