【本報訊】在大熱天時也開冷氣打邊爐的香港地，蔡瀾的火鍋無文化論自然難獲認同。九龍城老字號火鍋店「方榮記」店東方永昌指，火鍋是中國最早飲食文化之一，古代典籍早有火鍋記載。各省火鍋有不同變化，外國如日本、韓國都有火鍋，連瑞士都有，只是食材不同。他還踢爆：「蔡瀾經常嚟幫襯，試過同倪匡一齊嚟。」對於老顧客公開貶低火鍋，他表示：「佢一時衝口而出啫，有冇文化係個人觀點，我冇乜所謂。」

「Omakase係咪都要消失？」

飲食專欄作家梁家權表示，他不會評論蔡瀾的言論，每個人都可有個人觀點。「有無文化係人嘅問題，有啲人去米芝蓮三星都可以食得好無文化，同食物無關。」他又認為，如果要他選一樣應該取消的菜式，他會選自助餐。「基本上只係將好多嘢堆埋一齊，無乜精緻菜式」，吃自助餐的人也多是追求量而非講究質。火鍋店「酒鍋」負責人石珮琳表示，火鍋食材變化多端，是親友聚餐首選。石珮琳以她主理的火鍋店為例說，佛跳牆湯底須花逾十小時燉製，因此不應以席上的進食方法來衡量。她說很尊重前輩蔡瀾，但以他最愛的日本料理為例，「照佢咁講，咁Omakase係咪都要消失？佢都係師傅切件魚生上枱啫」。
■記者麥志榮