今周末精選3場英超聯及1場法甲聯波膽作過關，雖然全為「細」戰果，少少地5注出擊，中正都有可觀分頭。
雷丁今季升上超聯後，表現對辦，主場更「恰死」下游分子，已先後贏過米杜士堡及查爾頓等。今迎剛戰畢歐協盃嘅下游球隊布力般流浪，雷丁開W可期，即管取該隊近期頻出現嘅唔失波戰果，敲雷丁勝2:0。
過去幾日，大家都從直播睇到韋根及錫菲聯兩軍表現，今周英超聯兩軍於前者主場對碰。韋根今季主場其實幾好捉路，對強隊輸，對弱隊贏；錫菲聯喺周初對阿士東維拉場聯賽，繼續表現一貫無乜進攻板斧風格，今場大可捉韋根贏波波膽，吼主隊勝1:0。

曼城主場坐和望贏

法甲聯值得早飛出擊場合，聖伊天主場對華倫西恩斯捧主勝，波膽亦應唔難估，華倫西恩斯作客表現完全唔掂，連輸之餘仲要唔識入波。聖伊天就主場平均每場入兩球左右，主隊勝2:0最合。
周日英超聯非直播場合，曼城主場對熱刺。曼城今季主場表現上佳，聯賽8戰未嘗敗績，但有4場和波。熱刺作客就差到極，暫時連屈福特及錫菲聯都不如，是役亦可向主隊坐和望贏戰果出發，1:1最穩陣。 文：華度