周日（15日）煞科戰編跑十一場，全草地賽採用有得追的全闊A跑道角逐，戲碼甚強。大家都關注是潘頓及莫雷拉的冠軍騎師之爭，李易達能否達標。莫雷拉下季去日本發展，柏寶沒有續牌，將是最後一戰。翻查一些數據，上季煞科戰最叻騎師是莫雷拉及潘明輝，各自起孖，馬房是蔡、葉兩廐各勝兩仗。

第二場五班1200米：「洪荒駿駒」是匹慢熱馬，隨着多跑累積經驗，馬匹也不斷成長，上仗在1400米取得突破，打開勝利之門，排大外檔夠快切入，直路能貫注到底勝出，交出極佳時間，水準相當高。

四歲馬明顯剛踏入正軌，復課唞夠再投入積極操練，連課安排拍跳，跟「皇龍大將」及「財寶家駒」等高班廐侶同試，走勢不遑多讓，身靚步闊有勁，成熟邁進一大步。今次縮程跑1200米，應該無難度，質新馬剛起步，可再建一功。

對手實力平常，庸中取佼，「好叻仔」居五班有週旋之力，剛戰在1400米拼入季軍，今次相隔三星期再跑，期間重養儲體力，狀態無走樣，跑番1200米應更合適，上季試過打疊跑得好，希望繼續交出好成績，用莫雷拉必盡拼。

「大富大貴」季初同程負於「歐洲巨星」，四班難贏，但落五班就夠用，用潘明輝減五磅，應有幫助。

「哥哥仔」唔叻，但勝在無傷病，且年青力壯，加盟苗廐養得好，戰鬥力提升，能在田草1400米上名，縮落短途已夠用，賽前試閘表現甚佳，排一檔有助發揮，可爭三甲。

－－－－－－－－－－－－－－－－－－－－－－－－－－－－－－－－－－－－
愛馬事女神2018 競馬主播真•育成

邊個話女仔唔可以愛馬？
鍾意賽馬、貼馬、贏馬嘅你
立即參加 http://bit.ly/ad-epona
截止報名：2018年7月20日