熊黛林（Lynn）同老公郭可頌舊年結婚，佢哋除咗恩愛仲好合拍，同樣鍾意做運動，Lynn用咗一年多時間籌備，共同創立嘅時尚運動服裝品牌DEVI，聽日喺網上天貓旗艦店會正式營運。Lynn最近親自上陣，着起自家品牌運動Bra Top拍咗條宣傳短片，大騷身材。

Lynn近排不停喺IG貼出運動相，佢自爆：「DEVI一字源於印度文，意思是『女神』，老公知道我鍾意做瑜伽，又話我係佢心目中嘅的女神，所以哋用咗呢個名。」Model出身嘅Lynn，喺設計上加入模特兒靈感同方向，而佢連選布料，到工廠監工，宣傳策略全部一腳踢。

Lynn講到做生意過程中，遇到唔少困難：「第一次真正自己做生意，好緊張成品，試過遇到貨不對辦嘅工廠，嗰刻真係當場喊咗出嚟。」不過喊完之後，Lynn好快平復心情，即刻又再同老公四出去搵過另一間工廠趕製服裝 。

日前首批真正成品終於運到Lynn手上，佢堅持自己幫手搬貨拆箱：「一定要自己親手親眼驗清楚至安心。宣傳方向，除咗親身上陣，仲搵埋公司師妹Fiona(麥少瑜)一齊拍宣傳片。