跑了兩次馬，蔡約翰依然零上名，維持一貫季初讓賽本色。所以剛周日（8日）尾場旗下「請跟我來」上季尾一連熱死三次，再加上蔡約翰季初出名慢熱，雖曾一度成為公眾大熱門，但閘前明顯回飛頗為合理，要捧蔡約翰，請等到11月才諗！

另邊廂，蔡約翰宿敵大摩上季尾開車輪鞭喪追，也不能阻到前者冧莊做冠軍，雖然坊間有評論謂這季會是大摩最後探戈，定必想做冠軍榮休，但綜觀這兩次摩廐不乏熱門馬。一來最叻都係第三，二來就算入圍的「好運」及「新力寶」等，埋門衝下去總差一點銳氣，似乎摩廐經過上季尾逢出必拼後，此刻仍處回氣期，捧場亦要小心。

周三（11日）上演季內首次谷草夜馬，暫時若將蔡、摩兩廐擺埋一邊的話，這次追方嘉柏應屬理想選擇。就算這位前冠軍近季不復當年勇、頭馬數字下滑，但季初在谷草主場多有一輪快攻甚少失拖，又是另一條大戶會考慮的大數。

今次方嘉柏出馬七匹，尾場三班1200米「同進」上季尾唞了逾半年復出，跑嫌短谷草1000米，終點前以摩打腳追前奪亞認真吸睛，暑期後連番拍跑證明健康無礙，今次續配潘頓回師最首本的谷草千二，可期取勝。

另外，廐侶頭場四班1650米「捉金皇」，上季尾兩戰谷草一哩非冠即亞，開鑼日（1日）田草熱身性質敗不足據，今次返回主場強配莫雷拉，有機會成為今季方嘉柏首場頭馬。

-------------------------------
想唔想知自己財運、事業、愛情會點？參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此