今日有周刊報導話，同樣出身自華裔小姐嘅苟芸慧同朱璇，原本好好姊妹，但就突然間反目，姊妹情不再！點解嘅...點解嘅...據報導話，一向緋聞多多嘅茍芸慧，昅中咗朱璇嘅有米男友，即家族資產過百億湯氏集團副主席湯珈鋮呀！苟姑娘仲私下約湯珈鋮去街街。

件事係咁嘅，今年32歲嘅茍姑娘，之前被指姣冧清洪契仔巫翊鳴外，最近仲睇中咗好姊妹朱璇男友湯珈鋮，話佢趁住近日減磅有成績，就即係變得好進取，趁朱璇趕拍電影《使徒行者》時，偷約湯珈鋮去街，搞到朱璇好嬲，即刻同茍姑娘斷交。

報導仲引述知情人士話，茍姑娘、朱璇、李亞男等華裔小姐，不嬲都好好朋友，不時會約埋一齊出嚟食飯傾吓心事，但朱璇一直都無帶過拍拖五年嘅男朋友湯珈鋮出席姊妹飯局，不過有次茍姑娘突然叫佢帶埋男友出席，朱璇就搞咗次飯局，隆重介紹男友比姊妹認識。

據知情人士話呢，茍姑娘趁朱璇行開時，就問咗湯珈鋮攞電話，之後仲私下約男方見面。嬲嬲豬嘅朱璇同茍姑娘斷交後，都未有係社交網絡instagram取消關注茍姑娘，但唔知苟姑娘係咪心虛，竟然主取消關注朱璇喎！苟姑娘咁做好似顯得無私顯見私喎!