當年今日
關於我們

副練馬師女兒土耳其贏世界武術賽

蘋果日報 2014/03/22 06:00

副練馬師女兒土耳其贏世界武術賽羅芯濼羅富全

所謂巾幗不讓鬚眉,馬圈有唔少女性都睇得同打得,好似前霍利時馬房騎馬人王麗銀,以及現任蔡約翰馬房騎馬人Yonnie,咪睇佢哋樣子嬌滴滴,其實除咗操馬了得外,兩個都贏過散打比賽。現任蔡約翰馬房副練、前騎師羅富全,其千金羅芯濼雖然年紀細細,但唔怕辛苦,除咗兼顧學業外,仲學習武術。日前羅富全在其Facebook上載了幾張乖女在土耳其贏「第五屆世界青少年武術錦標賽」女子對練金牌的相片。一派慈父的羅富全好感性留言話「亞女爸爸以你為榮,繼續努力加油呀!」,非常溫馨。
記得去年暑假,葉楚航在沙田天幕亮相圈擺了60多圍慶功宴,慶祝做了冠軍練馬師,航哥都有請羅芯濼上台,即場表演中國武術,全場掌聲如雷,近期仲代表香港揚威土耳奇,值得畀個Like佢。