韓版《步步驚心》嘅28歲女星姜漢娜，早前與台片《我的少女時代》嘅26歲男星王大陸傳緋聞，指二人同遊日本，不過當時雙方否認戀情，表示只係好朋友。近日，再有知情人士爆料，指二人係戀人關係，上週三王大陸舉行生日派對時，姜漢娜就以女友身份出席。

據知，王大陸上周一26歲生日，不過因為佢忙於拍攝新劇《狼殿下》，就只係於北京跟粉絲共度生日會，而私下就於上周三喺台北舉行生日派對，好兄弟柯震東等人亦有獲邀，姜漢娜亦以女友身份特地由韓國飛去台灣，幫王大陸慶祝生日。

知情人士爆料，當晚王大陸忙住跟朋友狂歡飲酒，現場賓客跟姜漢娜疑似因言語不通，唔多互動，姜漢娜就一個人乖乖地喺男友身邊。而王大陸經紀人回應，佢未有出席生日派對，因此唔清楚有邊個參加，但強調王大陸跟姜漢娜只係因工作而認識嘅朋友：「佢（王大陸）冇時間談戀愛啦，聚少離多都會跑掉。」