黃大仙雙鳳街街市商戶反映，該街市管理欠佳，令租戶經營困難。他指，落成已逾十年的雙鳳街街市並沒有安裝冷氣系統，只以機械抽風系統改善通風，然而，該通風系統經常故障，致街市內翳焗悶熱非常，且維修緩慢，動輒數天才維修完成，故障期間，令欲進入街市購物的街坊卻步，生意大減。
洗地三次街坊卻步
商販表示，街市內的自動電梯也經常故障，須進行維修，令街坊購物意欲大減。更甚者，自從街市清潔工作外判後，經常有清潔工倒水洗地，一日三次，令街市濕滑，清潔時阻礙市民進出，「啲街坊見洗地，都唔想入嚟買嘢，都唔知點解要洗得咁密。」他認為，街市實無必要一日洗三次，安排簡直是過猶不及。
自動電梯經常故障
記者曾向雙鳳街街市商戶了解情況，有商販指，街市通風系統經常故障，「差唔多個個月都有幾次壞機，每次要幾日至整番好」，故障期間通風欠佳。
商戶指出，「近門口嘅舖頭影響都冇咁大，位置入啲就慘啲」，並指生意的確受損。
涼風系統大致良好
食物環境衞生署回覆表示，雙鳳街街市設置有涼風系統，以便街市開放時段改善室溫，根據紀錄，該涼風系統過去半年共有六次維修紀錄，故大致運作良好。此外，由於該街市不是冷氣街市，因此開放時間內，街市不會關上大門。該街市並未列入加裝冷氣系統的改善計劃中。
至於街市內扶手電梯的保養及維修乃由機電工程署負責，已轉介該署跟進。