【爆相爆片】鄭嘉穎去年8月與陳凱琳（Grace）結婚，11月即閃電宣佈有喜。趁住Grace仍未生產，鄭嘉穎早前便帶老婆到越南芽莊，去旅行享受babymoon，過二人世界。

《蘋果》讀者Man姐日前透過「爆相爆片」，直擊鄭嘉穎與Grace坐廉航到越南芽莊，幾日後更再與兩人坐同一班機回港。照片中見到鄭嘉穎全程拖實Grace，兩人都孭着背囊，而熱愛網球的鄭嘉穎背囊更插住球拍，看來到外地旅行也不忘打波。

身形纖瘦

Man姐大讚身形偏瘦，行動輕盈：「我同佢哋一樣1月6號出發，一齊坐廉航去芽莊，又坐同一班機喺10號返嚟，鄭嘉穎戴住帽，陳凱琳化淡妝，全程見鄭嘉穎都拖實老婆，兩人邊行邊傾偈，陳凱琳雖然有咗BB，但身形仲係好瘦，後邊睇唔覺佢陀B。去程上機，佢哋揀咗前排座位，好多乘客入機艙經過實見到佢哋，回程咁啱又坐同一班機，佢哋竟然着番同一件衫。」

其實鄭嘉穎與Grace今次去芽莊的五日四夜行程，坐廉航直飛比坐其他航空公司要轉機，更為方便。不過Grace與鄭嘉穎都是廉航常客，Grace前年做乖乖女陪父母及弟弟去日本旅行，負責訂酒店及機票費用的Grace都是揀坐廉航。鄭嘉穎與Grace去年婚前飛布吉預支蜜月，兩人一樣是坐廉航，十分精打細算。
採訪：陳杰