【連贏三場】Celine妹妹出戰日本歌唱比賽 《Let It Go》摘冠

蘋果日報 2018/09/21 18:49

關8譚芷昀Celine妹妹
    【內容更新】現年10歲嘅Celine妹妹譚芷昀，去年參加美國才藝節目《全美一叮》（America's Got Talent），備受注目，可惜未能勝出。相隔一年，佢轉戰日本亮相朝日台節目《關8 The莫札特音樂王No.1決定戰》今日播出，與其餘來自日本、具歌唱天份嘅七位中、小學生上節目進行較量。
    《關8 The莫札特音樂王No.1決定戰》由尊尼組合關8成員村上信五、大倉忠義，與著名小提琴家葉加瀨太郎任主持，Celine妹妹亮相節目其中環節「最強唱歌兒童大會」踢館。喺第一個回合，Celine妹妹係第二組出場，與14歲日本參賽者田上陽菜爭奪小歌后寶座。 兩人選用Celine Dion名曲《My Heart Will Go On》對決，田上陽菜先出場，獲得98.250分，睇完對手比賽，Celine妹妹話緊張，但都有信心。
    Celine妹妹出場顯巨肺唱功唱偶像嘅《My Heart Will Go On》，最終以98.438分，以輕微之差出線。下一回合，佢會對另一賽前大熱，只得8歲嘅宇都宮聖。
    於第二回合，Celine妹妹與另一賽前大熱、只得8歲宇都宮聖對決，佢曾經以演繹中島美嘉作品靠響亮聲線震撼日本全國，被視為天才兒童，呢個回合，佢哋演繹夏川里美作品《淚光閃閃》。唔識日文嘅Celine妹妹，由拼音開始記歌詞，再理解其中意思，以字正腔圓日文獻唱，最終佢以97.998分，贏對手嘅97.476分晉級冠軍戰。
    第三回合，Celine妹妹與15歲女學生上垣Hinata爭冠軍，佢哋選唱《魔雪奇緣》（Frozen）歌曲《Let It Go》，Celine妹妹話唱呢首歌唔易唱，因為好多高音同低音。Celine妹妹以雄厚聲線唱出英文版嘅《Let It Go》，贏盡掌聲，評判都話Celine妹妹完全唔似只得10歲，相當利害。Celine妹妹都對自己表現好滿意，話為自己可以唱好高音部份而自豪，佢最後以98.731分，呢個全日比賽最高嘅分數勝出，對手就獲得98.249分。
    empty
    《關8 The莫札特音樂王No.1決定戰》今日播出。
    empty
    先由對手田上陽菜出場。
    empty
    Celine妹妹聽到對手獻唱
    empty
    都話好緊張，但對自己有信心
    empty
    Celine妹妹出場顯巨肺唱功唱偶像嘅《My Heart Will Go On》
    empty
    野口五郎、森泉對其表現大讚。
    empty
    最終以98.438分，以輕微之差出線
    empty
    節目由尊尼組合關8成員村上信五、大倉忠義，與著名小提琴家葉加瀨太郎任主持
    empty
    第二個回合，佢會對另一賽前大熱，只得8歲嘅宇都宮聖。
    empty
    爸爸譚順生抱住妹妹在場支持。
    empty
    唔識日文嘅Celine妹妹由併音開始記歌詞，再理解其中意思。
    empty
    唱日文歌《淚光閃閃》
    empty
    最終贏對手嘅97.476晉級冠軍戰。
    empty
    DAIGO話Celine妹妹單係記歌詞已經唔簡單。
    empty
    最後一個回合，Celine妹妹以英文版《Let It Go》參賽。
    empty
    對手上垣Hinata就唱日本版本
    empty
    佢最後以98.731分成為冠軍
    empty
    empty
    empty
    Celine妹妹話開心到難以形容