【再見「是是但但」】蔡雪瑩拍過旅遊節目 靚女主播各散東西

蘋果日報 2017/09/24 00:02

趙海珠陳珍妮周嘉儀靚女主播大台蔡雪瑩
    大台新聞除咗出名是是但但之外，就梗係出名多靚女主播啦，不過好可惜嘅係，靚女主播如今已經各散東西，好似趙海珠咁，自2004年起已經喺大台報道新聞，當時仲被破格升做《六點半新聞報道》嘅主播，睇得出大台有重用佢嘅決心，不過趙海珠喺2006年正式離開大台新聞部，轉戰商場，o依家係一名高級經理。
    而同樣因為夠晒靚被網民追捧嘅仲有陳珍妮，呢位女主播喺2008年被大台由亞視挖咗佢去報新聞，點知去到12年佢講低一句「天氣報道完喇，多謝各位，再見」就冇再出現喺大台新聞中，15年更加出咗本《TVB新聞部血淚史》數臭大台。
    講到被網民追捧，又點少得「嘉儀BB」周嘉儀，05年就已經加入大台嘅佢，因為外貌夠晒標緻而廣受觀眾歡迎，仲有網民話「朝朝都要同嘉儀BB講早晨先出門口」，經過十年，周嘉儀喺15年同大家講再見，之後轉投辦公室嘅懷抱。
    最後當然唔少得蔡雪瑩啦，10年起喺大台做主播嘅佢喺當時新聞部百花齊放嘅情況下都仲可以脫穎而出，除咗美貌，努力都唔少得㗎，14年離開大台之後佢先喺去做公關行業，上年就去咗ViuTV拍咗套旅遊節目。
    empty
    empty
    趙海珠自2004年起已經喺大台報道新聞。（資料圖片）
    empty
    （資料圖片）
    empty
    喺2006年正式離開大台新聞部。（資料圖片）
    empty
    陳珍妮喺2008年被大台由亞視挖咗去報新聞。（IG圖片）
    empty
    點知去到12年佢講低一句「天氣報道完喇，多謝各位，再見」就冇再出現喺大台新聞中。（IG圖片）
    empty
    15年更加出咗本《TVB新聞部血淚史》數臭大台。（IG圖片）
    empty
    講到被網民追捧，又點少得「嘉儀BB」周嘉儀。（資料圖片）
    empty
    05年就已經加入大台嘅佢，因為外貌夠晒標緻而廣受觀眾歡迎。（資料圖片）
    empty
    周嘉儀喺15年同大家講再見，之後轉投辦公室嘅懷抱。（資料圖片）
    empty
    蔡雪瑩上年就去咗ViuTv拍咗套旅遊節目。（資料圖片）
    empty
    （資料圖片）
    empty
    仲已經成為人母。（資料圖片）