韓劇《來自星星的你》男星金秀賢去年拍畢電影《Real》之後，就暫時未有新嘅拍攝工作，雖然oppa偶爾都有現身宣傳活動，不過粉絲依然好掛住oppa，而oppa日前就「聲音客串」綜藝節目《無限挑戰》，又承諾之後會演出《無限挑戰》，令觀眾非常驚喜。

於今日播出嘅節目中，節目成員HaHa提到金秀賢平時好鍾意打保齡球，並即場打電話畀對方，電話亦成功接通，金秀賢就於節目中透露自己嘅近況：「目前等緊電影（《Real》）上映。」

提到打保齡球，金秀賢有時會玩通宵，一直打到早上7時，而且成績係190至220分。《無限挑戰》提議跟金秀賢嚟個保齡球對決，金秀賢非常爽快地答應，HaHa即時表示：「不過要來《無限挑戰》。」金秀賢亦表示：「好，我會去！最近冇咩特別事要做。」似乎好快就可以睇金秀賢再次現身綜藝節目。