當年今日

台上扮父女一吻成真
Sam收GiGi做契女新歌當大禮

蘋果日報 2004/07/02 00:00


許冠傑(阿Sam)前晚在紅館加場開騷,梁詠琪(GiGi)再任表演嘉賓,阿Sam還即席收GiGi做契女,並送了新歌《親親我面》給她作為上契禮物,令GiGi受寵若驚。
許冠傑前晚在紅館為加場的演唱會揭開序幕,邀請了古巨基、梁詠琪、李小龍女兒李香凝和鄭融等做嘉賓,全場爆滿。阿Sam和GiGi在台上演出時,他一時興起,主動認了GiGi做契女,令伊人又驚又喜。
阿Sam大讚GiGi是民歌女神,二人合唱歌曲《父親的鋼琴》後,GiGi說:「我要藉機會多謝佢,阿Sam係香港人嘅父親,我嘅爹哋,陪我哋一齊成長,佢嘅歌言之有物,有人生哲理,聽佢啲歌,由唔識音樂都變到識。」

嫌棄斟茶老土
阿Sam其後演繹一幕短劇,他躺在椅上裝睡,GiGi為他蓋被,並親吻了他的臉頰。阿Sam裝作驚醒說:「我噚晚發夢,GiGi認我做契爺,我都好想有個咁靚同有才華嘅囡囡,我哋不如今日上契。」GiGi表示要安排斟茶儀式,阿Sam說:「唔使手續咁老土,我重要送大禮畀GiGi,我要將歌曲《親親我面》送畀你。」阿Sam邊說邊送上歌譜,GiGi對於成為阿Sam契女甚為感動,她說:「我會將阿Sam送畀我嘅歌收錄喺大碟。」
另一位嘉賓古巨基則穿了豹紋西裝亮相,他說:「我聽講歌神之吻錫咗會延年益壽,固本培元,能醫百病,我呢排身體唔好。」阿Sam聽聞即錫了基仔臉頰,基仔又說:「我自信心返晒嚟,快樂晒。」

超時罰款七萬
前晚演唱會捧場客甚多,包括劉德華、戴辛尉及阿Sam母親等,演唱會至昨日凌晨十二時十分結束,被罰七萬多元。對於吳國敬承認曾吸食大麻,戴辛尉說:「係咪真㗎?有都冇
理由認。」
empty
許冠傑:我噚晚發夢,GiGi認我做契爺!
梁詠琪:爹哋!設計對白
empty
整個演唱會上,許冠傑經常有性感美女相伴,豔褔無邊。