立法會議員何秀蘭唔知係咪俾區選勝利沖昏頭腦,定係日日要幫自己同公民起動、前綫謝票及開記者會,搞到噚日開立法會大會時老貓燒鬚。
原本議程中有一項由經濟發展及勞工局局長葉澍堃提出嘅議案,而何秀蘭身為法案委員會主席,應該負責提交及宣讀有關法案嘅報告,點知輪到阿秀發言時,佢竟然好似唔清楚要做乜,勞動到主席范太提醒佢。何秀蘭惟有要求休會五分鐘,跟住猛咁「摷」手提電腦,好在搵番份講稿。八方知道何秀蘭噚日上午要連踩兩場記者會,前兩日又要周圍去謝票,但明年立法會選舉好快到,重烏眉瞌睡?因住葉國謙噬番轉頭呀,懵妹!
傳真︰2623-9278
電郵︰
[email protected]