地產多聲道：菁盈加油催谷銷情
蘋果日報 2004/09/27 00:00
由已故金王胡漢輝之弟，永常集團董事總經理胡永輝發展嘅深水埗菁盈雅軒，雖然賣咗一段日子，仍決定喺現樓搭建示範單位，下個月有得睇，呢個頂層二十八樓連空中花園單位，逾千二呎。
為咗促銷，發展商提供為期年半嘅每呎月供一蚊優惠；銀行又可以做到全期優惠利率減二厘七五，重有貸款額一點三個巴仙現金回贈。另外，若果係重建戶，畀咗定金後，就可以攞鎖匙入住，賺多一個月。每項付款方法都可享樓價九七折。
發展商話，最近有政府官員，斥二百零六萬，購入中高層五百零六呎C單位，同舊年買入嘅三房單位打通做相連戶。
菁盈雅軒單位五百零六至七百一十八呎，賣出四成。
靚仔代理未竟全功
世紀21上個禮拜五拍賣悉尼PointPiper豪宅，業主意向價成六千萬港紙，聽講未有成功售出，不過就吸引一個德國客，打算用以物易物方式同業主交易，𠵱家重傾緊。香港嘅澳洲銀行亦派出要員出席。
當日嘅另一焦點，係特別由澳洲請過嚟香港，跟進拍賣嘅靚仔地產代理David。
憑着身高六呎，加上貌似影星里安納度（DiCaprio），完全係標準師奶殺手形象。佢除咗喺拍賣場大受注目，後來去參觀世紀21總公司嘅時候，更加引嚟公司職員豔羨嘅目光咁話。
為咗促銷，發展商提供為期年半嘅每呎月供一蚊優惠；銀行又可以做到全期優惠利率減二厘七五，重有貸款額一點三個巴仙現金回贈。另外，若果係重建戶，畀咗定金後，就可以攞鎖匙入住，賺多一個月。每項付款方法都可享樓價九七折。
發展商話，最近有政府官員，斥二百零六萬，購入中高層五百零六呎C單位，同舊年買入嘅三房單位打通做相連戶。
菁盈雅軒單位五百零六至七百一十八呎，賣出四成。
世紀21上個禮拜五拍賣悉尼PointPiper豪宅，業主意向價成六千萬港紙，聽講未有成功售出，不過就吸引一個德國客，打算用以物易物方式同業主交易，𠵱家重傾緊。香港嘅澳洲銀行亦派出要員出席。
當日嘅另一焦點，係特別由澳洲請過嚟香港，跟進拍賣嘅靚仔地產代理David。
憑着身高六呎，加上貌似影星里安納度（DiCaprio），完全係標準師奶殺手形象。佢除咗喺拍賣場大受注目，後來去參觀世紀21總公司嘅時候，更加引嚟公司職員豔羨嘅目光咁話。
香港置業置專會，啱啱搞咗個中秋探訪長者活動，帶埋月餅，去送畀聖雅各福群會長者中心嘅老人家，同過百長者齊齊聯歡。
置專會會長王品弟話，公公婆婆不知幾熱情，主動要求同佢哋合照，大家有講有笑，場面熱鬧。見到長者們咁開心咁有活力，成班手足都非常高興，重話咁有意義嘅活動，以後年年都一定會參與咁話。
利嘉閣精英會，每年都會搞外地考察團，今年揀咗台北，考察兼玩足兩日三夜。
一班精英四十五人，由高層何紹章與廖偉強帶隊，參觀台北傳統景點，以及當地各類型物業。各精英除咗浸溫泉、玩按摩，亦大出血買台灣特產，例如赤靈芝、靈芝丸同埋蜂皇漿，補吓身，返到香港再全力搏殺。
今年樓市好景，各大小代理都錄得超水準盈利，搵咁多錢，都係為咗提高生活水平啫。今次利記個考察團，團費要成六位數字，來回搭國泰，住宿五星級大酒店，總之大家高興啦。
中原地產配合中秋節，為新地爵悅庭搞咗個「中秋花燈對聯比賽」，參賽者今個月三十日前，要就上聯「金風清，碧海晴，紅日銀輝映照爵悅庭」，配以該盤各種賣點，對出下聯，對得最好兩位，各得獎金五千。
新地周國賢做評判，噚日就大賣爵悅庭嘅六星級酒店服務，話住客搬入去，將會唔捨得搬走。
蘭西當然想知，享受咁高級嘅服務，究竟要付出幾多管理費，周國賢話，實數未定，大約較一般屋苑貴十個巴仙，因為淨係中央冷氣，條數都好襟計。
碧堤半島二期帶旺深井，附近火鍋店梁老闆，唔單止生意好，重近水樓台，喺兩次內購，同屋企人一齊買咗三個單位，共用一千萬。
其實兩個星期前，碧堤首次內購，做到深夜，九倉黃光耀早就幫襯過呢間火鍋店，不過，當時梁老闆有眼不識泰山，唔知座上客就係負責賣碧堤嘅主帥，言談間，重話覺得個盤賣得貴。
之後黃光耀派卡片自揭身份，可惜當時已經入咗票嘅梁老闆唔信，席上嘅代理高層都已經提醒梁老闆，叫佢寫低想買嘅單位問吓價，或者唔使煩抽籤都唔定，梁老闆都係唔信，結果當晚深夜，輪到佢去揀樓時，見到黃光耀先至知眼前人嘅底細，同埋一早錯過好機會。
不過，梁老闆結果都好捧場，上周五第二輪內購，再買多兩間。
蘭西
電郵地址：
深井火鍋店嘅梁老闆（右）呢排唔單止生意好，重做埋三個單位嘅業主，雙喜臨門。
代理David（圖）