【華人打吡希望】33年來最接近勝利?梁家俊何澤堯肩負重任
梁家俊何澤堯打吡嘉應之星妙算達人華人騎師
華人除練馬師羅富全無限接近打吡之外,華將騎師亦有兩位很大機會,隔33年後勝出呢項四歲王者之戰,佢哋就係策騎「妙算達人」嘅梁家俊,以及為「嘉應之星」執韁嘅何澤堯。
前一哥梁家俊今季本來暫得12Win,排騎師榜第13名,但忽然有匹「妙算達人」喺手,上仗力壓打吡大熱門「達龍駒」,爆冷贏次關香港經典盃。
梁家俊說:「首先多謝馬主及練馬師羅富全支持,『妙算達人』這兩場比預期跑得好,現時有再進步。在香港經典盃中,練馬師幫牠轉少許配備,之後馬匹也有感覺,並知道如何控制牠,現時配備都幫到牠,所以陣上都留得較輕鬆,希望『妙算達人』跑打吡也可放鬆一點。」
對上一次有華人騎師贏出香港打吡大賽,已經要數到1986年,當時鄭仲謀策騎簡炳墀訓練的「你知幾時」首名過終點。相隔33年之後,梁家俊說不定會是新一位打吡冠軍華將。
「首先很開心,因為是很難得的機會,打吡是馬主、練馬師及騎師夢寐以求的賽事,也是一種榮譽,所以落到場都會盡力拼搏,大家都很渴望贏出(打吡)賽事。」
另外除家俊之外,仲有另一位華將有機會贏打吡,就係策騎「嘉應之星」喺前兩關,都係第三嘅何澤堯,呢匹馬抽到一個不錯嘅2檔。
他說:「都很開心好興奮,首先多謝告東尼及馬主支持,希望全力以赴,能發揮馬匹百分百實力,盡量爭取名次,以及盡量享受,並給予馬匹最大機會。」
-------------------------
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
-------------------------
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef
對上一位華人騎師贏打吡,要數到1986年的鄭仲謀。