今季英冠升班附加賽決賽，由兩支前英超隊富咸與阿士東維拉周六在溫布萊對碰，爭逐重返英超這個大金礦。雖然維拉有經驗豐富老將後衞泰利壓陣，而領隊布魯士踢附加賽亦甚有心得，不過富咸始終人腳及氣勢稍勝；「讓球」富咸讓平/半，捧上盤。
以第四名過終點的維拉，憑着在附加賽準決賽兩回合計以1:0淘汰米杜士堡而晉級。對手維拉近七仗共獲四勝兩和一負之餘，陣中主力如翼鋒艾度馬及中場基亞利殊等都可以披甲，加上老大哥泰利亦經驗豐富，而領隊布魯士在兩年前，亦成功帶領侯城透過附加賽升上英超，維拉今役受讓似乎頗筍。

富咸夫添士氣佳

不過，維拉今戰未能「夫添」，兩閘尼爾泰萊及艾穆罕默迪都上陣成疑，而另一後衞杜安薛比更肯定因傷缺陣。另外，維拉與富咸交手往績亦一般，近六次遇上富咸只得兩勝四負，球迷宜備忘。
反觀富咸今役可以「夫添」，主力如前鋒阿歷山大米祖域、中場史提芬祖漢臣及超新星賴恩施斯隆等全部可以候命，而且球隊在附加賽準決賽反勝打比郡晉級，目前士氣甚佳，加上近10場共獲七勝一和兩負，今役無懼要讓波。畢竟，富咸近六場讓平/半的比賽盤路是五贏一輸，今役又讓平/半，上盤可取。
賽制：若在90分鐘內打成平手需加時，如加時再和，則互射12碼決勝。
文：吾中