韓國男團BIGBANG嘅G-DRAGON（GD）今日同聽日喺澳門威尼斯人金光綜藝館舉行兩場「G-DRAGON 2017 WORLD TOUR ACT III, M.O.T.T.E」澳門站演唱會。

GD雖然近日因專輯《權志龍》以USB形式公開而唔獲作傳統專輯，但事件冇影響GD嘅工作，不過今日佢因爲要一早從韓國仁川機場出發飛澳門，似乎就仍未瞓醒，平日會化好妝見人嘅GD今日就似乎未有刻意裝扮，只見戴上黑色口罩嘅GD露出浮腫兼疲倦嘅雙眼，看來唔夠休息。

雖然冇乜精神，但身為潮人嘅GD喺機場嘅打扮依然型格十足，黃色Tee配紫色頸巾再孭個好特別嘅手袋，十足十行緊fashion show一樣。