由王喜主持、於港台節目《頭條新聞》內播出的《驚訊》，因被通訊局裁定有污衊及辱警成份而被逼腰斬，不過王喜早前已預告《驚訊》將會「過檔」杜汶澤的網台節目《杜汶澤喱騷》，屆時他會繼續以「忠__勇毅」身份，用嬉笑怒罵手法談及克警行為。

今晚是《驚訊》於《喱騷》中復活的首播。甫開場王喜扮演的忠勇毅，讀出口號及服務宗旨：「本人忠勇毅，謹以至誠作出宣言，本人竭誠以事實為根據，用嬉笑怒罵、諷刺時弊。不畏縮、不偏私、不與 香港 人為敵，並毫不猶豫地恥笑罪犯」其後就見到忠勇毅的「座駕」垃圾桶，桶上更裝了紅、藍兩色的閃燈。

鏡頭一轉，換成垃圾桶於街上「行駛」的片段，然後忠勇毅再次於垃圾桶內彈出：「歡迎收看《驚訊》，我係你嘅節目主持人忠勇毅，喺離開咗香港電台之後，我同有蓋垃圾桶已經嚟到一國一制之下嘅《喱騷》，繼續為 香港人 服務。我都未走，你咪走呀！不過睇埋呢集之後，你就會知道其實係乜嘢人應該要快啲走呀！」畫面先是播出「邊個干犯咗《國安法》？」的問題，然後再播出6.12、7.1及7.21的片段，並由忠勇毅作出解說。

忠勇毅先站於一個貼有去年6.12金鐘示威現場的照片牆前，當中有數張是拍得當日示威者被趕入中信大廈圍困的照片，忠勇毅指這批由「機動部隊校長」率領、無展示個人終身號碼的「蒙面持械武裝分子」，用手上槍械及彈藥將和平示威者趕入商廈做成人踩人事件：「令全港震怒，因而對中央及特區政府生厭，咁就好明顯係外部勢力直接干預香港內部事務，導致到國家分裂！」及後畫面播出去年7月1日，120名全副武裝的克警未有阻止示威者撞爛立會玻璃門的片段，忠勇毅指：「可以肯定嘅就係，係入面嗰120個無及時制止呢幾個人嘅，唔係協助與教唆他人危害國家安全，就係串謀他人危害國家安全。」

當播出元朗7.21恐襲片段後，忠勇毅在旁說：「露面持械、統一穿着白衫嘅武裝分子，得到顛覆國家嘅勢力，賦予畀佢哋無後顧之憂嘅39分鐘，自由恐怖活動時間，對車廂內站內嘅普通市民，不論男女老幼發動恐怖襲擊，無一倖免。」忠勇毅指神聖的《國安法》不會放過以上「罪犯」，但由於當時偉大的一國一制尚未降臨，故並未有拘捕任何人：「7.21恐怖襲擊之後嘅一個月，統一着藍衫嘅武裝分子，就有恃無恐，有樣學樣，8.31喺太子站內、車廂之中對住普通市民，不論男女老幼發動更恐怖嘅襲擊。」最後忠勇毅對鏡頭高呼：「《國安法》呀！求你賜死傷者一個公道呀！」

片尾《驚訊》又寸早前於便利店拿取樽裝水後，拋下一句「後數」便離開的克警。忠勇毅走入一間便利店，取了一支樽裝水後向店員大叫「我轉頭畀呀！」然後再次對鏡頭，對銀行、金行、錶行、雜貨店、士多、小食店作出呼籲：「如果有穿着制服嘅蒙面持械武裝分子走入你哋舖頭，盜取咗你嘅財物，切勿反抗、驚呼或者求助，因為可能，係可能啫，佢嘅秘書或者保母係會轉頭返嚟找數。」結尾前，忠勇毅預告下集再見，然後便將垃圾桶蓋關上。