【記者鄧秋英報道】連鎖快餐店競爭激烈，不時推出「平、靚、正」美食吸引食客光顧。大家樂最近重推一款芝士肉醬千層麪，餐牌照片拍得五層高的肉醬加闊麪屹立不倒，賣相一流。但有食客吃過後大呻搵笨，大彈千層麪如塌樓後的一堆肉醬和麪條，令人倒胃，而且份量縮水，貨不對辦。
曾在旺角中心地庫大家樂分店吃過此款芝士肉醬千層麪的陳先生表示，當日被水牌的相片吸引購買，連飲品套餐盛惠36元。惟取餐後發現不對辦，他怒氣難下，氣冲冲地向《蘋果》記者申訴說：「張相明明有五層，縮到一層都冇，我估間間都係咁，好離譜！」

食客大呻搵笨

記者曾於午飯時段先後到調景嶺及坑口分店了解，有多名顧客點了該麪，一名女學生碟內的千層麪賣相較佳，仍可看到有四層闊麪的層次，惟有部份食客碟上只有一大堆芝士肉醬和闊麪。其中食客黃先生無奈說：「我都係畀張相吸引買，出嚟嘅賣相唔吸引，但畀咗錢都會照食，下次唔會再叫」。
另一食客Jacky則直言千層麪實際只有一層，感覺被搵笨。而記者親自所點的千層麪同樣僅有一層，員工解釋謂：「因為焗好仲要淋汁，全部出嚟都係咁（塌晒），係同個辦有唔同㗎，換個第二樣（食品）畀你啦！」旁邊一位取餐的顧客也指着記者的千層麪說：「咁細碟嘅！」記者最後選擇退款。本報曾就上述個案向大家樂查詢，至截稿前未獲回覆。