當年今日
關於我們

【無仇不成母子?】新亞視邀祥嫂一齊上節目?兆尊嬲爆:畀人擺咗上枱

蘋果日報 2017/12/19 14:59

洪金梅鄧兆尊

新亞視似乎有大水喉射住,噚日舉行重組同手機App啟用儀式,都叫做搞得有聲有色。行政總裁吳雨仲講明要向神州出發,「要埋大陸市場」,所以要多用啲大陸演員,乜乜乜大趨勢。
咁香港觀眾點算先?又唔會完全冇理,有財經節目《贏家Online》同娛樂節目《A1娛頭》,訪談節目《今晚見》仲搵咗朱慧敏、朱慧珊、向海嵐、劉錫賢、曾華倩、梁思浩、李麗蕊、樂瞳等藝人擔任主持,1月仲有陶傑講時事。
當中梁思浩、陳彥行同李麗蕊主持每逢星期一播出嘅《今晚見》,內容以娛樂爆料為主題,梁思浩噚日稱首集嘉賓係一對仇人,今日有報道指呢對仇人就係洪金梅(祥嫂)同長子鄧兆尊,聲稱兆尊答應出席,令為錢反目嘅母子有機會復合咁話。
不過,《蘋果》今日向兆尊求證,佢就似乎有啲嬲嬲哋,覺得係有人擺佢上枱,佢接受電話訪問直言:「我係應承做節目,聽講係慈善嘢,但唔知搵咩嘉賓,畀人擺咗上枱。(如果真係搵祥嫂做唔做?)咁我多數都唔做,唔想畀人咁樣做宣傳,拎屋企事嚟講。」
如果照兆尊咁講,慈善版都應該係陳志雲嘅《百萬富翁2018》。真係唔知係有人故意放流料,又或有人收錯料?!

更多娛聞,喺晒《娛果》
http://fb.com/appledailyent
empty
鄧兆尊否認同阿媽洪金梅一齊上節目。 (資料圖片)
empty
行姐係兆尊嘅舊緋聞女友,唔知最後叫唔叫得郁兆尊上節目呢?