望墳住宅單位一向低水，但是否風水差，玄學家指因人而異。

玄學家麥玲玲表示，陰宅和陽宅分開是基本概念，兩者不能混合。如果鄰近墳場，以不望墳較好，如果望墳，若有水相隔則次之。然而正望整片山墳是為不佳，會影響住戶健康，但對財運影響不大。不過，有些從事偏門行業的人不怕單位望墳，例如股票、賭業等等，有利偏財。另外警察煞氣強，亦無懼墳景。

她曾經睇過不少陽宅風水，發覺不少日本人及外國人都不介意外望墳場。座向而言，若墳場坐落單位東北位帶來負面影響較少，若坐落西南位視為最差，目前海濱花園東南位有墳場，無水相隔，亦會帶來負面影響。

她稱，有人較易受環境影響，行過墳場都好驚，等於有人好驚自己一個住酒店「覮住有啲嘢」，有人接收力特別強，甚至聲稱有陰陽眼，就更加不適宜住近墳場，「日日望住個墳，負面情緒會多啲!」

記者：陳家雄
攝影：鄒潔珊 張飆

-------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-------------------------
全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef