有基金經理稱,因康師傅和中糧包裝都算是同一個板塊,兩隻股份一齊做批股,市場自然有比較:「中糧包裝之後有故事跟尾,首先公司本身街貨非常少,長線基金想借今次機會拎貨,公司集資後會起新鋁罐廠,公司早前路演亦話會加大和可樂的合作,之後可能有得炒。但康師傅本身已經貴到離譜,得1%至2%折讓,我喺街掃都得啦,就算之前沽空咗都冇肉食,好難搞。」該基金經理相信,康師傅批股失敗屬個別事件,不反映整體配股市場氣氛。早前太地(1972)、越房(405)批股後都企穩在配股價之上。康師傅昨日股價偏軟,跌2.3%至23.7元。昨早配股失敗消息傳出後,由於減持陰影仍未消除,都有券商即向投資者兜生意,願意以50點子息率借貨予他們沽空。昨日康師傅沽空比率仍高企,達26%。康師傅昨有向證券界更新業務情況,但沒有評論有股東減持一事。公司透露近日天氣不佳,故飲品銷售不會有大驚喜;至於棕櫚油、糖價下滑,仍有利公司利潤率表現。