當年今日
關於我們

隔牆有耳:《警訊》受市民歡迎 - 李八方

蘋果日報 2008/08/07 00:00


由警方同港台合作攝製嘅《警訊》,不經不覺已經做咗35年,呢個長壽節目名稱同主持人都轉變過無數次,最初叫《少年警訊》,後來改叫《繩之於法》,之後改名《警訊》;主持人更多不同面孔,早期主持有路嘉敏、麥振江,然後改由警務人員擔任,後來起用藝人包括陳鍵鋒、劉綽琪、蔡子健同鄭子誠等,上幾代新聞小花黃德如都客串過。
雖然係官方喉舌式節目,但原來《警訊》幾受市民歡迎,據講節目平均收視率有15點,即係有約100萬人收看,比起好多電視節目更收得,當中最受歡迎嘅環節係案件重演,一般市民應該印象頗深,因為唔少電影、電視都模仿用嚟搞笑。