黃宗賜5、6歲開始由嫲嫲陳立品帶入行在電視台客串做童星，歷年作品包括《小太陽》、《幻海奇情》、《風雲》、《倚天屠龍記》、《戲班小子》、《新紥師兄》、《鹿鼎記》、《花艇小英雄》、《誓不低頭》和《他來自江湖》等逾百部電視劇。

黃宗賜日前接受《蘋果》專訪時說:「以前阿嫲成日會帶我去TVB度玩，佢要拍嘢我會跟埋去，《雙星報喜》都有，我睇過有一集《雙星報喜》見到自己，直至76年無綫開咗個節目《小太陽》，第一集就係我做。係我阿嫲帶我入行，《小太陽》之後，其他導演監製就發現原來品姨個孫都可以拍戲，有好多其他劇搵我做。」

78年《倚天屠龍記》演張無忌，黃宗賜正式與無綫簽約，一簽做到97年離開，而這部《倚天》，亦是黃宗賜從演以來最深刻難忘作品:「因為好新鮮，我第一次拍古裝，又要出海，同石堅叔去荒島，喺嗰度拍咗幾日，鼎爺(李家鼎)又教我打劍。」不過，黃宗賜試過為拍《倚天》而未能參與學校考試，亦試過要日以繼夜趕拍弄得得極不開心:「嗰時喺堅城片場拍，開咗好耐工，日以繼夜，嗰時個心有小小唔開心，點解個個同學放學去玩，我放學就要拍戲，做功課都要喺片場做。」因為一邊讀書一邊拍劇，黃宗賜變成無心向學，讀書成績強差人意。

另一部難忘之作，要算是《新紥師兄》。黃宗賜說:「我同呂方拍《新紥師兄》，佢嗰時係新秀冠軍，未拍過戲，佢第一日嚟開工好驚，驚驚青青左望右望，又唔識得人喎，出外景坐van仔坐喺我隔離，跟住佢又唔敢望我，坐喺度拍吓我:『我第一次拍戲架咋，你要關照吓我呀。』我話好易架咋，放鬆啲就得架喇。跟住我哋日對夜對，拍咗幾個月，後尾好friend，有時約咗一齊飲早茶，飲完開工。」

採訪:戴彩煥
攝影:仇志德
拍片:馮嘉銘