曾編寫人氣韓劇《最佳愛情》嘅編劇洪氏姊妹（洪貞恩、洪美蘭），新作《和遊記》（前譯：花遊記）將於23號喺tvN首播，由退伍男星李昇基扮演孫悟空、車勝元飾演牛魔王、韓劇《我的野蠻女友》女星吳漣序演唐三藏、FT Island嘅李洪基飾演豬八戒。今早一眾主演現身新劇發佈會，不過李洪基就因為有其他工作行程而缺席。

據知洪氏姊妹一開始已經係想搵李昇基扮演孫悟空，雖然當時李昇基仲當緊兵，不過李昇基對編劇非常有信心，因此好快就答應演出，作為退伍後嘅復出作。另外，李昇基笑言如果首播收視超過10%就再入伍，車勝元及主持都嚇咗一嚇，之後李昇基仲表示：「收視超過10%就跟劇中演員一齊去特種部隊接受訓練。」

李昇基提到當兵之後嘅變化，表示：「身體變咗好多，經歷好多藝人生活無可能經歷嘅事，明白人原來係唔會咁易死。」

更多韓流，喺晒《娛果》
http://fb.com/appledailyent