繼德甲於新球季會有首位女球證之後，球隊法蘭克福亦喺日前委任咗德甲首名女球探，佢就係海倫娜哥斯達嘞！39歲嘅海倫娜來頭好猛，有國際足協教練A牌之餘，亦教咗賓菲加青年軍13年，之前亦都做過過卡塔爾及伊朗女足嘅教頭，當佢喺2014年執教法乙克萊蒙特時，仲係法乙首名女教練㖭，難怪有「女版摩連奴」個朵。