工展會狂掃賣大鮑

蘋果日報 2008/12/13 00:00

今年碰正金融海嘯，經濟變差處處裁員，真係想使錢都唔敢多。不如留定「彈藥」準備殺入工展會掃貨。但會場面積大，行到一半腳瓜已經叫暫停，半場休息就最好是到美食廣場醫肚，順便停一停歇息一下。今年美食廣場有不少檔位都有出售即食鮑魚，更以「海嘯價」出售，嘆鮑魚心動價$38蚊已經有交易，今年一於趁低吸納掃大「鮑」。

記者：王震遠、吳允冲
攝影：周旭文、楊錦文、林栢鈞、梁細權
模特兒：Winnie&Yan@StageModels
一年一度工展會又開鑼。已舉辦到第43屆的工展會，好多人都行慣行熟，除可即場試玩，又有試食，但食還食咪貪心食到飽，記得留肚去美食廣場擦餐勁。今年美食廣場參展商多達17間，既有傳統必試蟹粉小籠包，亦有創新小食，如去年大賣的榴槤蛋撻；亦有街邊小吃燒魷魚，亦可平食高級鮑魚。款式之多令人花多眼亂，搞到間間都想食。既然大家荷包同個胃嘅quota都有限，就跟大家睇真啲必掃美食！
米芝蓮推介鮑魚
一向主力鮑參翅肚同家鄉風味菜式，素有「名人飯店」之稱嘅「農圃飯店」，剛入選米芝蓮必比登推介，今年工展會亦有參展，相信會引來不少人注意。今屆佢哋主力賣大「鮑」，以優惠價賣南非兩頭大網鮑，經理周先生透露每賣一隻即蝕$100，純粹旨在做宣傳。除此，亦模仿街頭串魚蛋方式去串鮑魚，玩高級食材Cheap食，賣相相當過癮，唔夠喉仲有頭湯碗仔翅、燕窩蛋撻、燕窩流星壽包、古法糯米雞翼等，種類相當豐富。
南非兩頭大網鮑$398/隻
以老雞和金華火腿做湯底，將網鮑煲至入味。大大隻網鮑望到都口水流，口感爽身而且鮮味，帶濃郁金華火腿的香味。
empty
開心鮑魚串$100/3隻
將鮑魚當魚蛋咁串，純粹師傅閒聊間無意想到，可謂噱頭十足。每串三隻的36頭鮑，雖一啖一隻，但很有咬口。
empty
empty
■一串串鮑魚，放到好似魚蛋一樣，雖然賣到$100一串，但仍不乏捧場客。
農圃飯店（美食廣場攤位6C32及33）
empty
傳統搭新口味
蛋撻王每年都有創新搞作，上屆推出口味獨特的榴槤蛋撻和沙茶鹹蛋撻後，今年新口味有海鮮鹹蛋撻、肉骨茶豆腐、肉骨茶蛋、咖喱蘿蔔糕火熱登場。口痕痕想食小吃，必定要去蛋撻王昅昅。
empty
海鮮鹹蛋撻$6件
先將龍脷柳、煙肉、青紅甜椒切碎，加入蛋漿內一齊焗，可配牛油皮或酥皮。加入海鮮令蛋撻添加幾分鹹鮮香味，比甜味蛋撻口感更獨特。
empty
肉骨茶豆腐$12
鹵水豆腐吃得多，換了肉骨茶倒是第一次。將硬豆腐炸香後以肉骨茶浸製兩個鐘令其入味，口感外爽內軟，帶淡淡肉骨茶香。
empty
蛋撻王（美食廣場攤位6C17-21）
提前辦年貨
鴻星有經典蟹粉小籠包、榴槤甘露和糯米飯外，更有今屆美食博覽大受歡迎的毛蟹。而最抵的應該是福袋，優惠價$100，內有1盒臘味、兩罐粟米湯和一樽醬料回家，過年前入定貨係時候。
榴槤甘露$15支
選用新鮮榴槤果肉製造，榴槤香味濃郁。
empty
即食鮑魚$100/3隻
凡於會場內購買，即送日本罐頭粟米湯一罐。
empty
燒腩仔$68斤
燒肉中最好味最多肉汁的是燒腩仔，由大廚每日新鮮燒製，外皮咬落脆卜卜，腩仔肉味道濃郁，肉質又嫩。
empty
鴻星（美食廣場攤位6C22，23，28，29）
empty
台灣麵線初登場
滋味一方今年主打店中的王牌火瞳燉花膠，所謂火瞳即金華火腿中肉質最好的地方。而且今年亦推出八頭鮑，由原價的$68優惠至$38，十分抵食。今次特別推出的台灣蚵仔麵線，就連西營盤的舖頭都尚未有得發售，想試的朋友千萬不要錯過機會。
empty
台灣蚵仔麵線$18
蚵仔及豬大腸配以台灣入口麵線去煮，火腿雞湯底十分濃郁。
empty
empty
■第一次做麵線，連西營盤舖都未有。
日本汁煮八頭鮑$38
選用大連新鮮鮑，師傅先調校好日本豉油，並將鮑魚放進豉油浸至入味。味道帶甜且有鮑魚鮮味，口感亦頗彈牙。
empty
滋味一方（美食廣場攤位6C24至27）
新疆地道烤羊
在土瓜灣北帝街的新疆餐廳大漠亦有擺檔。羊肉依足新疆地道方法烤成，入口沒有羊羶味。特別推介桂花羊奶凍，入口香滑奶香濃郁，唔講都唔知係羊奶。
empty
■羊肉串即燒即賣，羊肉選用蒙古有機羔羊，肉串肉質鬆軟又有孜然香味，好多人幫襯。$13/串
empty
新疆土產桂花羊奶凍$8、玫瑰花蜜$10
大漠（美食廣場攤位6C35）
燒出日本味
平日專買海產的湛記，這次在工展會內主力賣燒魷魚，另外還有日本磯燒鮑魚，可選擇在場面即切即食，或者買一包三隻回家慢慢嘆。
磯燒鮑魚$50隻$130/3隻
選用日本出口南美鮑魚，經磯燒處理過後特別香口，配以鮑魚汁入口，味道帶濃郁鮑魚香味，口感爽口有𡁻頭。
empty
燒有米魷魚$10/3隻
有米即指魷魚內藏有魚春，在香港很少地方有這種魷魚賣，特別由日本進口。外層燒得香噴噴外，還添加了魚春的甘香，令人回味無窮。
empty
湛記海產（美食廣場攤位6C10）
其他心水推介
零食老字號和記隆以超抵價作招徠，$3一碗朱古力豆花、$8一碗燕窩豆花，全場人氣最勁﹗
empty
龍鬚糖：（左）薄荷味、（右）香辣味各$10
empty
■人龍極長，朱古力麥芽糖夾餅一開門就賣晒！
和記隆（食品飲料攤位2B17）
沙嗲豬扒包$20
專門賣火鍋醬料的綿香，更是名人飯堂尚興的供應商。這次用金牌沙嗲醬，配以煎得甘香的豬扒來夾麵包，相當惹味，還會送一杯薏米水。

綿香食品（美食廣場攤位6C13）
empty
冰鎮鮑魚$15/6件
即食冰鎮鮑魚片，其實是螺片，鮑魚汁煨得十分入味，入口像鮑魚刺身，令口感更爽口。

東匯食品（美食廣場攤位6C09）
empty
會場街訪
「農圃這個碗仔翅味道很好，又好味又抵食！」
empty
「一百蚊三隻鮑魚好細隻呀，都幾有鮑魚味。」
empty
「每年都來食工展會鴻星小籠包，最愛味道夠鮮。」
empty
「我都最愛食鴻星的蟹粉小籠包，啖啖湯汁好鮮甜。」
empty
工展會
日期：由即日至明年1月4日

時間：
星期一至日11am-10pm
12月24及31日11am-1am
明年1月4日11am-5pm

地點：銅鑼灣維多利亞公園

入場費用：$10

查詢：34212012
empty