韓國男團東方神起嘅Max同U-Know上月合體見港迷，下月15號佢哋更會到澳門新濠影匯舉行《TVXQ! Special Comeback Live - YouR 6PresenT - in MACAU》演唱會，門票早前已公開發售，反應相當熱烈。

而喺進行澳門騷前，Max同U-Know就分別推出solo歌，為下周嘅《東方神起Week》打響頭陣，歌曲分別於下周一及下周四公開。而二人就率先公開預告片，提醒粉絲捧場，當中U-Know介紹歌曲《Drop》時就頻頻NG，佢都即時做出無奈樣，十分可愛。而Max首《In a Different Life”》就由Max親自作詞，歌詞中就係向心愛嘅人表達感情。

另外，東方神起今日合體做直播。