【李八方online】姓梁這一家遊大阪 689坐UO689返港
蘋果日報 2019/12/29 21:09
梁振英日本國泰大阪香港快運廉航李八方ONLINE梁唐青儀梁齊昕
《蘋果》製圖
唔少港人短途旅行最愛返「鄉下」，即係飛一轉日本，身兼全國政協副主席嘅前特首梁振英，近日都到日本旅行。唔少《蘋果》讀者向八方報料，話今日傍晚時分喺大阪機場見到梁振英喺廉航香港快運check in，特別之處係佢哋坐架機係UO 689，同行仲有「龍蝦太」梁唐青儀，以及3位子女包括梁傳昕、梁齊昕同梁頌昕。綜合讀者報料，喺等上機前689曾經笑住同一小朋友合照，而龍蝦太就冇乜表情咁。
另一讀者就報料，噚日喺傍晚5點零鐘喺大阪阪急百貨8樓見到689，但隨行只有一位保鑣，唔見龍蝦太，只見單拖689邊行邊睇電話，其間睇過男裝褸。
話時話，689今日早上曾喺facebook發文，建議政府要求審計署全面審查港台賬目，「衡工量值」。放假不忘批鬥，689有啲嘢真係能人所不能。而佢月前曾高調批評部份反送中惡法嘅國泰職員，多名國泰員工即時被炒，國泰高層都要換人，689當時針對國泰，在其facebook專頁發文，指「沒有一家航空公司有獨市生意，國泰更沒有。乘客選擇航空公司，都要求對機組人員有絕對的信心，沒有一個乘客想政治走入機艙，國泰人員政治化是自尋末路。」
現時香港快運已經被國泰收購歸入旗下，689「走入機艙」時，有冇擔心「自尋末路」呢？
-----------------------------
民陣元旦大遊行
《蘋果》讀者向八方報料，話今日傍晚時份喺大阪機場見到梁振英，同行仲有龍蝦太梁唐青儀，以及3位子女包括梁傳昕、梁齊昕同梁頌昕。
梁振英喺廉航香港快運check in，特別之處係佢哋坐架機係UO 689。
噚日喺傍晚5點零鐘喺大阪阪急百貨8樓見到689，但隨行只有一位保鑣。
689今日仲係喺facebook發文，建議政府要求審計署全面審查港台賬目。