行會噚日第一次移師添馬艦新政府總部開會，最矚目嘅唔係兩個疑似特首候選人唐英年或梁振英，而係胡紅玉。佢噚日拄住兩支枴杖行入去特首辦開會，行動似乎十分不便。據講胡紅玉早前去俄羅斯，外遊時唔好彩跌倒，膝頭蓋骨碎咗，傷勢頗為嚴重，返港後每日都要去醫院覆診。
港大日前公佈頒發名譽大學院士銜畀胡紅玉，表揚佢對社會嘅貢獻。腳傷咁嚴重都唔請假開行會，攞獎，實至名歸。