谷草用B欄跑馬,上月16日係季內第一次,本周三係第二次。若然上次係幾乎由華倉擸晒八場頭馬,則今次以有實力之華倉馬做扶手棍,應該會有揸拿。
9月16日八場谷戰頭馬之中,徐雨石同葉楚航各佔兩匹,冠絕其他練馬師。當中徐廐憑「故事」及「創出商機」包辦第三口孖寶,睇番此廐今期出足八場,第五場「創出商機」贏完再用柏寶跑同欄同班同程,仲要打埋王牌,以馬房一貫作風計,話唔係想添食都冇人信!同晚徐廐另一王牌馬係第二場「野外桃源」,此駒都係配柏寶,亦即是話徐廐今戰王牌馬用晒後者,以騎練季內暫時合作十戰四勝六負計,加上柏寶今季暫時近半頭馬來自徐廐,「野外桃源」對上三季零Win齋跑位置,呢鋪唔搏至奇!