一天和朋友食晏，他講了個笑話，你知嗎？我最怕被迫聽笑話，更怕甚麼IQ題。我想，又悶死了！結果我卻開懷吃吃大笑，現將笑話和大家分享：「一個女人在清理屋企，發現一個舊樽，女子用布抹乾淨個樽，誰知竟跑了個神仙出來。神仙說可給她三個願望：（如常好悶橋段），於是女人第一個願望係要變成一個靚女。第二，要有好多錢。第三，希望她最愛的汪汪狗變成一個俊男陪伴她（超悶）。之後女子很開心過着她的新生活。一晚，正和俊男在床上纏綿，緊張關頭俊男問女子：「你有冇好後悔閹咗我呀？」
朋友就是久不久帶來一點驚喜，已非常足夠了。為各人很努力互送月餅、生果。我亦忙個不了地將家裏吃不完的月餅生果轉送給各路英雄。轉送給別人好過發霉！突然見到一箱沒有包裝的生果，打開來看，甚麼東西？黃黃色，比檸檬大，形狀像個沙田柚，但又比沙田柚細很多。究竟是甚麼？
叫工人開了一個來吃，原來真的是一個迷你沙田柚，是台南麻豆的產品叫「文旦」。香港都有得賣，都是叫「文旦」，但大多不是來自台南麻豆的。甜，頗多汁，柚子的纖維比我們常吃的沙田柚幼細，最刺激是當咬穿柚子的纖維，那些汁爆出來在口中的一刻，爽！
留了幾個來拍照，你們看到的已像神枱桔，原來舊了，收晒水仲好食，仲甜，朋友還告訴我台南麻豆還有些稀有品種叫「白柚」。好！明年大家請早。
註︰台南麻豆文旦在港沒有售賣。

（原文刊於2009年744期《飲食男女》）

蘇施黃Profile
資深電台人，天生異「口」，除了講嘢叻，食嘢同樣嘴刁，近年開咪、上電視做主持都不離教人食得精，吸引大批粉絲跟佢搵食。

立即免費下載《飲食男女》App ： http://onelink.to/etwapp
《飲食男女》網站 ： http://etw.hk