當年今日
關於我們

【重新振作】商台DJ阿檸向「老婆」承諾向前衝:怕再見時冇古仔講你聽

蘋果日報 2020/03/14 16:47

舊愛薛晉寧車禍死亡

商台DJ薛晉寧(阿檸)的舊愛梁銘汶(Fiona)在今年情人節遇上車禍死亡,當時阿檸在IG發長文悼念Fiona,文章開首以「老婆」稱呼對方,細數兩人由中學開始相識相愛,見證彼此成長,長大後投身社會:「假如我這生人有任何好,通通都是由你的忍耐、啐唸、教導而成。」
經過一個月的沉澱,阿檸終於現身IG再留言悼念舊愛:「兜兜轉轉,整畀你嘅生日禮物,又落番我手上,想點先?嗰年我哋十八歲,我喺外國讀書,冇乜錢,我連電腦都冇錢買,得部CD機,你怕我悶,就成日燒啲翻版碟寄過嚟,講起上嚟,你先係我嘅DJ。到你生日,我又整番一隻翻版CD畀你,明明呢啲事係mixtape嘅年代先會做,可能我哋老套啦,十八歲就叫《十八計》啦!每年一計,你生日,有得氹你開心,我最開心。」
阿檸亦回憶當年兩人之間做過不少約定:「包括世界末日要去邊度等啦;我賺到嘅第一個一百萬要分五十萬畀你啦;Honey moon要同你去北海道小樽啦;將來無論同對方係乜嘢關係都好,都要做第一個祝對方生日快樂嘅人啦。老婆,我31歲喇,你條友都唔守信用嘅,唔緊要,你爭我嘅,我一定會嚟追,你醒醒定定。」最後他說:「雖然我對冇你喺度嘅地球唔太有興趣,不過一日我喺度,我都會繼續向前衝,我怕再見時冇古仔講你聽,到時話你知,我呢隻VCD B碟講咩,都係嗰句啦,希望好睇得嚟,唔好太長,我會太掛住你。I love you.放心,你老公,超級叻。」
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》