模範生:朱瑜藐o靚模賣弄色相

蘋果日報 2011/07/25 00:00


有翻版蒙嘉慧之稱的模特兒朱瑜(JoyeZ.),四年前由上海來港工作,這幾年行過不少大騷,身經百戰,近年察覺香港女模競爭加大,又多了一批o靚模敗壞風氣,Joye現正努力增值,為未來轉行鋪路。
模特兒公司StarzPeople捧紅了MaggieQ,更紅到在荷李活拍電影和電視劇,同樣屬旗下的朱瑜,接受過專業模特兒訓練,並擁有178cm標準身高,故深受各大牌子喜愛,入行四年行過不少大騷,包括Chanel、Dior、Gucci和Valentino等。問Joye是否希望朝着MaggieQ的目標進發,一舉成名?她說:「如果有機會我都想去美國行騷,不過我冇咁大野心,希望做好自己先。」
empty
身高178cm的Joye實屬行騷的好材料,故深得各大牌子喜愛。
empty
外表酷酷的Joye,原來十分健談。黑白圖片
愛電影想拍戲
來自上海的Joye是個標準電影迷,小時曾立志做演員,不過卻當上女模,她說:「中學畢業後,老師覺得我身高同條件都非常符合做模特兒,於是提議我入讀模特兒專科訓練學校,2005年仲提名我參加北京嘅模特兒公司比賽,獲全國第三。」
2006年尾Joye機緣巧合下在上海認識了StarzPeople的booker,並問她有否興趣來港工作,於是她一個人由上海來到香港追尋夢想:「四年並唔係短時間,剛嚟香港時,十個人有九個話我似蒙嘉慧,不過自己就唔覺得,但有一次搭車經過戶外廣告板,以為自己係廣告中嘅主角蒙嘉慧,不過都有人話我似年輕時嘅林青霞同鍾楚紅。」
Joye來港工作後,也到過日本發展,她說:「當時只簽短合約,印象最深係一落機就去Hermèscasting,嗰次喺日本行咗好多騷,最欣賞日本人認真工作態度。本來今年諗過再去日本行騷,不過3月日本發生大地震,所以會押後計劃。」
empty
Joye(左)行Bulgari騷時在後台與模特兒一起拍照留念。
empty
喜歡四處遊歷的Joye(左),去年偕友到西班牙旅行。
入行搵大公司
來港四年的Joye察覺香港的模特兒界轉變很大,她說:「四年前好多機會,早前又有金融海嘯,加上前兩年開始多內地model嚟香港,競爭大咗,又出現o靚模風氣,啲女仔過份賣弄身材,搞到風氣好差。之前有新聞話有人藉模特兒公司之名非禮年輕模特兒,之後好多女仔話畀佢非禮過,好似博宣傳,女仔應該要有少少矜持,如果真係想入行做model,應該搵大公司,上網check清楚,唔好輕易俾人呃。」
empty
Joye覺得近年香港出現以性感為賣點的o靚模,弄得風氣好差。
empty
十個月大的Joye,十分趣致可愛。
讀會計搞生意
模特兒並非長久工作,Joye已為將來鋪路,她說:「平日工作之外,都有為自己增值,學英文、會計,希望將來可以做吓小生意,就算結婚都唔想淨係做全職主婦,希望有自己事業。」
自言小時是男仔頭,不玩洋娃娃,Joye說:「我細個唔鍾意玩公仔,反而鍾意玩槍,四處跑,到中學仲係留短頭髮,而且我生得高,所以有寒背,有次我話畀朋友知我會去做模特兒,佢哋仲笑我邊有寒背model,之後好努力挺直行,先至入到圍。」
empty
自爆小時候十分男仔頭,喜歡到處跑。
empty
Joye自小已長得很高䠷,朋友笑她寒背,想不到長大後成為模特兒。
行山排毒
平日工作遊走石屎森林的朱瑜,閒時最愛行山:「我鍾意去西貢、石澳行山,沿途睇風景、睇樹木,感覺好relax,行完山出一身汗,可以排去身體嘅毒素,皮膚都會靚啲,呢個係最天然嘅美容心得。」
Joye又謂做模特兒除了喼弗之外,皮膚都要保持得好,她說:「護膚一定唔可以偷懶,我差唔多日日keep住做mask,另外一定要食早餐,早餐前應該飲杯暖水,可以清理腸胃,瞓咗一晚都要補充足夠水份。另外,嚟咗香港學識廣東養顏湯水,拿手煲木瓜花生雞腳湯,雞腳含有豐富骨膠原,對皮膚好好,木瓜就好補。」
朱瑜Profile
英文名:JoyeZhu
出生:上海
年齡:25
身高:178cm
三圍:32、24、35
行騷經驗:
Chanel、Dior、Gucci、Kenzo、ShanghaiTang、香港時裝節,日本則曾行過Hermés和Valentino等。
採訪:JessicaNgan
攝影:EdwardChou
化妝:SynniTamofPrivatei
髮型:Xenter
服裝提供:ckCalvinKlein