佘詩曼一向有觀眾緣，所以佢約滿無綫，王維基嘅HKTV同Now都向佢招手，不過佢一直未簽約，只係去內地拍劇搵真銀，成20萬一集，真係冇乜邊個香港電視台出得起。

約滿無綫嘅阿佘一直由佢經理人Tina幫手接job，而Tina曾經加入王維基公司，而阿佘老友周家怡又過檔HKTV，本來好大機會簽約，不過Tina最後畀王維基開刀炒魷，而阿佘亦開價10萬一集，嚇到王維基即刻縮沙。

以前喺無綫跟開阿佘合作嘅梅小青等人過咗Now，Now同內地合作，拍完劇會喺內地湖南衛視播放，都o岩晒阿佘條數，據知Now以12萬一集利誘，加埋人情牌，梅小青神神秘秘話5月會公佈頭炮劇集人選，當中有位觀眾好鐘意嘅人演出，好大機會就係阿佘啦。



「第八屆金話梅電影選舉」又嚟喇。今年除港產片有獎攞，仲增設「最爛合拍片」獎。栢芝憑四套電影入圍「最爛女主角」，應該冇得輸。大家快快投票啦，結果將於4月12日在《蘋果》娛樂版揭曉。

公投網址： http://facebook.com/AppleDailyGoldenPlum