乾性皮膚洗面奶保滋潤
踏入冬天,Priscilla認為應該選擇落妝油、洗面奶和潔膚霜比較適合,不過亦要因應皮膚需要,例如洗面奶比較適合皮膚偏乾,但又愛洗面後有種好滑好滋潤感覺的人;潔膚霜則因多含植物油成份,所以適合皮膚敏感和極乾人士使用。不過有些人的皮膚較多油份,則最好用洗面啫喱和潔面泡等洗面,令皮膚乾爽。
Priscilla說:「除了用適當潔面用品外,我都會以潔面用的小刷子,每星期刷面一至兩次,積聚在面上的死皮,便可以清除得乾乾淨淨。」
洗得正碓 收細毛孔 星級化妝師Rick即場試男士潔膚產品
貴為梁朝偉、哥哥張國榮、張栢芝、劉嘉玲等眾星化妝師,Rick自言本身皮膚屬乾性及敏感一類,所以搵佢試男士潔面產品,便可以當場知道哪一種性質最溫和。我們便挑選了向來是男士護膚名牌的ErnoLaszio、後起之秀BiothermHomme和最新推出男士護膚系列的ClarinsMen,讓他測試一下哪款合心水。
好認真
Rick試得很認真,雖然佢嘅皮膚很敏感,但試每樣產品仍堅持做足整個洗面過程。
BiothermHomme保濕排毒潔面霜$160(太古廣場西武)
不含油份兼質地清爽,有中和及清除皮膚有毒物質。
ClarinsMenActiveFaceWash$170(金鐘西武12月8日有售)
含冬青及Grindelia精華及中國南薑、BisonGrass等成份,可去除角質層及加添皮膚活力。
ErnoLaszio活性均衡潔面梘$320(海港城海洋中心)
有保濕功效和溫和的脫皮作用,可均衡面油及令皮膚回復生機。
結果
經過Rick的試驗和細心觀察後,他認為Biotherm的保濕排毒潔面霜最正。
「佢好啱我呢類敏感和乾燥的皮膚,洗完面後感覺好爽,但又唔會繃緊,而且因為佢有好似磨砂嘅成份,所以可徹底去除污糟,感覺好舒服。」
女士秋冬潔面用品
以下介紹的潔面用品,分別是潔膚霜、潔面油、洗面奶,適合女士們於秋冬使用。
保濕度高潔膚霜
適合皮膚勁乾人士,保濕滋潤度極高。
MaryQuantPCRevitalizeCleansingCream$330/85g(Sogo)
可以卸妝,同時又能促進血液循環,滋潤皮膚。
評語:用後感覺好滋潤,唔會繃緊,而且又無香味,幾正!
NARSGentleCreamCleanser$310/125ml(JoyceBeauty)
含蘆薈、胡桃油成份,既潔膚又提供滋潤功能。
評語:味道似香橙,但洗完面會有點繃緊,感覺好爽但唔夠滋潤。
卸妝兼滋潤潔面油
啱懶人用,因為一次過卸妝潔面,而且又有滋潤功效。
shuuemuraCleansingBeautyOil$550/450ml(Sogo)
shu的潔面油,一向只有黃色(滋潤)和白色(清爽)兩種,但今年秋冬則新推出橙色(加強滋潤)的潔面油,適合極乾皮膚使用,同樣一次過有卸妝和潔膚功效。
評語:呢隻油洗得乾淨又滋潤,連難洗的睫毛液都洗埋。但皮膚屬中性至偏乾的,適合用傳統黃色嗰隻,而極乾的皮膚就啱橙色嗰隻,因為佢滋潤度最高。
KPPerfectCleansingOil$280/250ml(海洋中心)
今次KP再改良原有妝油的配方,含香橙、茶樹和甘菊香薰精華,除有紓緩作用,還加強潔淨能力,令毛孔緊緻,保濕能力更好。
評語:好爽,可以一次過落妝洗面,味道又香,令人好舒服,不過滋潤度唔夠高,唔鍾意塊面黐𣲷𣲷的人好啱用。
滑溜洗面奶
最啱中混合性和偏乾皮至中性皮膚者,洗完面感覺會滑溜溜。
KoraONealCleansingSilk$265/150ml(查詢電話:25778007)
要混和潔膚露使用,可用清水沖洗或用紙巾抹去。
評語:用後皮膚真有滑的感覺,而且唔𣲷好爽,但陣味就麻麻哋,滋潤性唔太高。
FreyaHerbalMilkWash$130/150ml(Sogo)
含鼠尾草成份,有滋潤和豐富的泡沫,令皮膚不繃緊。
評語:用後塊面好滑,而且又有好多泡,但皮膚有點繃緊,而且入眼會有點刺痛。