拍拖買啡冧笑放電
53歲翁靜晶 甜蜜啜何彪

蘋果日報 2017/08/09 00:00


【爆相爆片】現年53歲的翁靜晶與亡夫劉家良育有兩女劉萬儀和劉幸儀,有指翁靜晶與何東爵士的曾孫何彪早於2010年相戀,翁家與何家是世交,何彪父親何鴻章更視翁靜晶為新抱仔。兩人感情穩定,早前何彪法學碩士畢業,翁靜晶也到場支持。
empty
【情不自禁】
翁靜晶與男友何彪情到濃時,等咖啡期間都忍不住錫錫。讀者提供圖片
empty
【如沐春風】
有愛情滋潤的翁靜晶不時甜笑。讀者提供圖片
empty
翁靜晶早前出席何彪的畢業禮。資料圖片
成日望男友笑
翁靜晶向來低調處理感情事,讀者方太大前日透過本報的「爆相爆片」,分享了翁靜晶與何彪拍拖嘆咖啡照片。當日下午1時許,翁靜晶與何彪出現在銅鑼灣禮頓中心的Starbucks,方太表示他們手拖手走入咖啡店,同行還有一名外籍男友人,方太說:「佢哋一齊去買嘢飲,等候期間都好sweet,好自然咁攬住就kiss,仲kiss咗好幾次,冇理身邊朋友,都幾open。」方太更大讚翁靜晶保養得宜,外表年輕:「可能佢染咗金色頭髮,望落都幾後生,仲成日望住男朋友笑。」
前年有報道指翁靜晶被何彪家人催婚,記者大前日再聯絡翁靜晶,追問婚期?她即笑言:「做住皇帝女先,唔憂嫁!等啲女嫁晒先啦。」
empty
翁靜晶(右)笑言要等兩位女兒出嫁後,自己才再婚。資料圖片
「我唔想累人」
及後翁靜晶再認真表示現在不是結婚好時機,她解釋:「我𠵱家唔可以同任何人結婚,因為定慧寺官司我好大負擔,如果嫁畀任何人,會令嗰個人負擔都好大。呢件事係我搞出嚟,我要將啲錢畀番晒捐款人,骨灰畀番苦主,我自己嘅事唔想累人。」
採訪:嵐山