當年今日
關於我們

【譚仔三哥賣盤】食客:我要凍鏈水凍鏈茶!唔要「二是一三一些」

蘋果日報 2017/12/01 16:50

譚仔三哥丸龜製麵

【新增影片】
日本丸龜製麵收購譚仔後,再買埋譚仔三哥,香港人愛嘅米線專門店,搖身一變變咗日本嘢,唔知道食客又點睇呢?關先生表示剛剛得知消息,認為最好繼續聘請姐姐,否則「好冇親切感」,並說如果「凍鏈水啊凍鏈茶」,變了「二是一三一些」(irassyaimase)會不開心!情有獨鍾三哥米線的他較喜歡其炸醬,又指新元素可加入烏冬,有天婦羅更好,「咩都加啲咁」。
陳同學就有見地分析三哥開連鎖店後趁勢賣掉。他說喜歡三哥米線的酸辣湯底,如果轉了烏冬會「唔夾」。不過,他認為可以加入多些小食。提到店員姐姐口音變日文,陳同學好不願意地說「唔好啦,我覺得會唔慣!」
除了米線,食客對三哥都有情意結。江先生說希望以後可以保持原狀,不要日本化,因為「三哥始終係香港人嘅口味」。吳小姐也認為要保留香港的傳統口味。
至於大家都很關心的三哥姐姐,就似乎不知道公司有大變動,說「呢個我唔係好知道」,但有禮貌地叫記者「你想問嘅話就問下上邊,我唔係好清楚」,怪不得食客個個都愛姐姐啦!
蘋果財經,關心你飯碗
http://fb.com/appledailyatm
empty
關先生表示如果姐姐口音變了日文,會不開心。
empty
譚仔三哥姐姐指並不清楚收購事宜。
empty
譚仔三哥位於灣仔的地舖。